Në më të voglin moment
E më të shkurtrin përqafim
Unë prapë buzëqesh
Kur ti je aty
Besoj se tashmë fluturzat e mia
I kanë takuar të tuat në fluturim
E ti ua ke mësuar emrat
Ua ke numëruar ngjyrat
E ndan me to të njëjtin nektar
Ndonjëherë, atë më të ëmblin
Bën sikur nuk e sheh
Që fluturzat e mia ta gjejnë
Por ti nuk e di
Se kur ato të nisen në fluturim sërish
Nektarin që ti për to e le
Ty do të ta sjellin
Ta dish
