Nuk është e lehtë
E kam kuptuar
Aspak e lehtë
Të jesh
Në një botë pikëpyetjesh
E gërricjesh
Të shpirtit
Nga duar që i ke dashur
E të kanë prekur
E i ke puthur
Çdo ditë
Nuk qënka e lehtë
E kam jetuar
Aspak e lehtë
Të kesh
Një botë hamendësimesh
E skenarësh
Të nxitur nga një zemër
Që e ke besuar
Dhe e ke dashur
Pa frikë
Jo, nuk qënka e lehtë
E kam provuar
Aspak e lehtë
Të dish
Të vërteta të errëta
Të përsëritura
Disa herë nga dikush
Që e ke gjak
Dhe të pikon
Në shpirt