Deri atëherë

Deri atëherë

Zgjohem me mendimin
Se lëkura më është grisur
E bashkë me të dhe ti
Por ty prapë të gjej

Zgjohem me mendimin
Se plagët më janë zhdukur
E bashkë me to dhe ti
Por prekjen tënde ndiej

Fle me mendimin
Se pa mendime do fle
E mallkimin do fshij
Por në mallkim kërcej

Rri zgjuar me mendimin
Se një ditë do fle
E kujtimet bashkë me mua
Por në to shpërthej

E fle, e zgjohem, a s’fle
E pafajsisht gjumin vras
Ndoshta një ditë do ta kthej në jetë
Por deri atëherë
Me dënesë emrin tënd do thërras

Back to Top