Melodi e zbrazët
Pa shije
Pa ngjyra
Pa aromë livandoje e lulesh portokalli
Tingëllon kjo mbrëmje
Pa ty
Melodi e çjerrë
Kitare e paakorduar
Me tela të këputur
E ca shkaravina nëpër trup
Të sajin
E timin bashkë
Melodi e ulërinjtë
Një larmi do-re-mi-sh
Në pentagramin e jetës
Të grisur nëpër cepa
Nga shkopi i violinës
Tënde
Melodi lakmitare
Ndaj zërave të atyre
Që qeshin
E dashurojnë
Të shurdhër
Si veja ime
Melodi e pashkruar
Por e jetuar
Dhe e urryer
Përditë
Jo në kopshte livandosh e lulesh portokalli
Por në të tjera vende